نظرة الشباب للبنت اللي تدخل المنتديات او الشبكه العنكبوتيه بعد الساعه12

شفت موضوع وآعجبني قلت نشوف رأي الاعضآء
الحوار هو كالتالي : للتوضيح
الحوار كان في الرسايل الخاصه بين عضو وبنت في آحدى المنتديآت ..

الولد : السلام عليكم الغاليه .. ممكن نتعرف فديتك !! <<سخاافه
البنت طااف ( يعني ما ردت على رسالته )
الولد : صووبنا يا حلووو .. ممكن اتعبرينا شوي.

والبنت بعد طاااف

الولد : انزين ليش جايه انتي .. مافيها شي لو رديتي علي .. يعني انا بعرفك والا بعرف اهلك .. عادي عادي ردي الغاليه لا تكونين معقده <<وقااحه بجد
البنت ملت من الرسايل .. عاد فوق العشر رسايل ورا بعض وبنفس الوقت .. اول ما تدخل المنتدى وهو هالكها بالرسايل

البنت : وعليكم السلام اخوي .. اسمحلي انا مو مال هالسوالف .. وهذا منتدى محترم مو للتعارف وغيره .. فلو سمحت اذا بغيت شي يخص المنتدى ارسل رساله واذا ماعندك شي مهم رجاءً لاا ترسل لي شي ..

الولد : ههههههههه عاد تبين اتبينين لي انك وحده محترمه هههههههههههههههههههه هاذي حركاتكم يالبنات .. لازم اول شي اتخلون أعماركم شريفات وبعدين يبين المستور خخخخخخخخخ اجل داخله هالوقت المنتدى وتقولين عن عمرك محترمه خخخخخ..في أصلاً بنت محترمه تدخل المنتدى بعد الساعه12 خخخخخخخخخخخخ والله انكم حاله ..
<<عقول سقيمه بجد
وانتهى الحوار لـ هذا الحد .. لانه البنت مصدوومه من نظرة الشباب للبنت اللي تدخل المنتدى فـي وقت متأخر من الليل !!! وقامت ورسلت الرسايل الخاصه كلها لمديرهم .. واتصرف فالمووضوع بنفسه

سؤالي اللي يطرح نفسه الحين ..

هل فعلا نظرة الشباب للبنت اللي تدخل المنتديات او الشبكه العنكبوتيه بعد الساعه12 تعتبر بنت مو محترمه ؟؟؟
هل فعلا تفكير كل الشباب ؟؟؟
او حتى لو جزء من تفكيرهم ؟؟
انزين ولو كان هذا هو تفكيرهم ؟؟
ممكن تعطونا الاسباب والمبررات؟؟
اللي تخليهم يفكرون بـ هالطريقة!!
يعني هل للاحترام وقت معين ؟؟
مو المفروض الاحترام ينعرف من الاسلوب في التعامل ؟؟
ابي منكم اجابات ونقاشات لـ هالاسئله ..؟

يسعدني ويشرفني اكون اول واحد ترد ع موضوعك المميز
يعطيك العااااافية دمتي لنا ودام تالقك الداااااااااااائم


أنا في وجهت نظري أن عادى لبنت دش تدخل المنتديات او الشبكه العنكبوتيه بعد الساعه12

موكل شبااااااااب تفكيرهم هيك..........

عاشقة الجنان كتب:

يسلموا ع المرور الرااااااااااااائع
فعلا البنت المحترمه تبقى محترمه لو تدخل ف أى ساعه واللى مو محترمه تبقى مو محترمه

اولا موضوعك قيم بصراحة و اتأكدي مو كل الاولاد تفكيرهم كذي يمكن البعض يشوه صورة الكل و يقول المثل( سمكة واحدة تخرب السمك كامل ))

الي بغيتك تعرفيه ان ( اصابع يدك ما متشابهات ))

ربي يحفظك

موضوع شيق للنقاش
مثل ما قلتو بعض البنات تدخل الساعة 12 فما فوق لكن اكيد لكل حد اسبابه الخاصة وفالنهاية """ على نياتكم ترزقون""" يعني كلن ونيته

مشكوره أختي ع الموضوع ...

أعتقد أنه البنت إذا كانت محترمه فتكون محترمه في كل زمان ومكان والعكس صحيح ...
والإنسانه الواثقه من نفسها تمشي مرفوعة الرأس وكلام الناس يكون لورى ... دامها ما تعصي ربها ولا دينها
وإذا كان عنده دليل هذا الشاب من السنه فيدلي به ...

ليس هناك وقت معين سواء للبنت او الولد ف استخدام النت
لكن الفكرة تكمن متى اكون فاضي حتى افتح النت؟؟؟؟؟؟؟؟؟؟؟؟؟؟؟؟؟
وهذا يختلف بين الناس وطبيعة عملهم